AVISOS
15/05/2019
Convocatoria para a programación de actividades que promovan a igualdade e a loita contra a violencia de xénero
Ler Conta Moito
Ler Conta Moito en igualdade. Convocatoria para a programación de actividades

Hoxe publícase no DOG a ORDE do 26 de abril de 2019 pola que se establecen as bases reguladoras da subvención a entidades locais de Galicia para a programación de actividades de dinamización da lectura que promovan a igualdade entre homes e mulleres e/ou a loita contra a violencia de xénero nas bibliotecas e/ou axencias de lectura públicas de titularidade municipal, integradas na Rede de bibliotecas públicas de Galicia, e se procede á súa convocatoria para o ano 2019 (código de procedemento CT236B).

O prazo para a presentación de solicitudes estará aberto ata o vindeiro día 17 de xuño.

Os principios que rexerán a concesión desta liña de axudas serán:

  • As bibliotecas deberán seleccionar no Catálogo Ler Conta Moito 2019 as actividades da categoría Igualdade e loita contra a violencia de xénero.
  • As bibliotecas deberán programar un mínimo de dúas actividades.
  • O importe concedido deberá empregarse para financiar o 100% do custo de cada unha das actividades.
  • As demais obrigas establecidas na orde.