AVISOS
06/04/2020
Medidas na Rede de Bibliotecas de Galicia
Prórroga dos préstamos e cancelación dun curso da EGAP dirixido a persoal bibliotecario

1. Préstamos

1.1. Bibliotecas Koha

Debido á nova prórroga da corentena, a devolución dos préstamos en Koha queda adiada para o 11 de maio. Como xa comunicamos anteriormente, esta mesma data aplicarase aos usuarios que tiñan pendentes devolucións entre o 17 de febreiro e o 13 de marzo (durante os quince días anteriores á entrada en vigor do confinamento).

Avisamos no OPAC sobre a prórroga dos préstamos, así como sobre o mantemento dos servizos de préstamo dixital a través de GaliciaLe (Catálogo Galego e eBiblio Galicia), co obxectivo de ofrecer aos lectores unha alternativa aos servizos presenciais.

 

1.2. Bibliotecas Meiga

Ta e como vos comunicabamos nun aviso anterior, a modificación das datas de devolución se levará a cabo unha vez vaia rematar esta situación excepcional. Será entón cando poderedes poñervos en contacto para comunicar ao CAU que queredes que cambie as datas automaticamente en todos os préstamos.

 

​1.3. Bibliotecas con outros programas de xestión

Recomendamos, de novo, a adopción destas mesmas medidas.

 

2. Formación

Ademais dos xa comunicados en anteriores avisos, suspéndese ata novo aviso o curso da EGAP "A expurgación na colección das bibliotecas públicas", que se ía celebrar en Santiago de Compostela o 15 e o 16 de abril.

 

Lembrámosvos que dispoñedes de toda a información sobre o conxunto das medidas adoptadas desde a entrada en vigor do estado de alarma na páxina principal desta web (premendo na imaxe situada na parte superior dereita). Tamén podedes consultalas directamente na ligazón de embaixo.