AXENDA
XVI Premio de Novela Europea Casino de Santiago
07/07 - 30/11
Biblioteca Pública de Vigo Juan Compañel
Mostra bibliográfica

A Biblioteca Pública de Vigo Juan Compañel participa de novo no Premio Novela Europea “Casino de Santiago”, que ten por obxectivo promover a lectura e o espírito europeísta, convertendo aos residentes da cidade de Vigo, así como aos de outras cidades europeas significativas, en xurado dun premio literario. Unha comisión de expertos seleccionou as seguintes cinco novelas de escritores europeos publicadas neste ano:

  • El amor en caso de emergencia de Daniela Krien (Ed.Grijalbo)
  • La vida verdadera de Adeline Dieudonné (Ed. Salamandra)
  • Llévame a casa de Jesús Carrasco (Ed. Seix Barral)
  • O cervo e a sombra de Diego Ameixeiras (Ed. Xerais)
  • Volver la vista atrás de Juan Gabriel Vásquez (Ed. Alfaguara)

Esta novelas serán promocionadas como finalistas en librarías de Santiago, Logroño, Salamanca e Barcelona, nas bibliotecas da Xunta de Galicia nas cidades da Coruña, Lugo, Ourense, Pontevedra, Santiago de Compostela e Vigo, así como nos centros socio-culturais e comercios de Santiago. 

O xurado estará formado por dúas seccións:

  • Sección A: todos os residentes das cidades participantes.
  • Sección B: dez representantes de distintos estamentos sociais.

Cada sección terá un peso do 50% no cómputo total da votación.

Todas as persoas interesadas en participar como xurado neste premio literario poderán facelo votando entre o 14 e o 22 de novembro de 2022. Cada persoa pode emitir un só voto e por unha única obra.

A mostra bibliográfica con varios exemplares de cada unha das novelas finalistas está dispoñible na sala de préstamo.