A través das novas tecnoloxías coa creación de varios blogs, a páxina web e o programa de radio semanal “Todo está nos libros” en Radioleiros preténdese chegar ao maior número de usuarios. Así mesmo, hai unha estreita colaboración coas diferentes institucións, asociacións e centros educativos do concello.

O proxecto abrangue numerosas actividades moi ben definidas e interesantes:

• Cuentacontos, tertulias literarias, exposicións, charlas e obradoiros de divulgación científica, guías de lectura e recomendacións bibliográficas, espazo radiofónico en Radioleiros etc.

• Club de lectura xuvenil, coa asistencia de 16 rapaces e rapazas por sesión.

• Proxecto 5-7-5: creación e exposición de haikus.

• Conmemoración de días especiais: Día Mundial da Poesía, Día Mundial do Teatro, Día Internacional do Libro Infantil, Día do Libro, Día das Letras Galegas...

• Encontros con escritores

• Obradoiros de banda deseñada con artistas recoñecidos dirixidos a alumnos de Educación Secundaria e de Primaria 

• Actividade “A lectura, esa gran viaxe” na que se traballaron libros que tratasen a temática das viaxes, folclore, lendas, historias e tradicións de diferentes países. O obxectivo desta actividade é a integración xa que o 4% da poboación a que atende esta biblioteca é inmigrante.

• Formación de usuarios: visitas nas que se ensina o uso da biblioteca e se amosa a súa web e o seu blog.