Creáronse toda unha serie de liñas dun medio de transporte ficticio nas que cada parada se corresponde a unha localización concreta, levando o nome do título do libro no que aparece citada, enlazando dita parada co fragmento da obra á que fai referencia. Deste xeito naceron 10 liñas que conforman o mapa, unha delas marítima, xa que non era posible obviar a importancia da propia Ría de Vigo na literatura.
Obxectivo xeral: evidenciar a relevancia cultural do patrimonio literario de Vigo.
Obxectivos específicos:
- Fomentar a conservación do patrimonio literario empregando novos enfoques e as novas tecnoloxías, aunando así as novas tecnoloxías e a tradición.
- Preservar e promover o patrimonio cultural e inmaterial.
- Fomentar hábitos lectores
- Promover o traballo, o coñecemento e a memoria colectiva.
- Fomentar a colaboración e a participación da cidadanía e a implicación de entidades culturais e sociais no proxecto.
Desenvolvemento do proxecto:
Actividades:
- Presentación do mapa literario de Vigo.
- Exposición na fachada da biblioteca.
- Mostra bibliográfica.
- Feira do libro 2018.
- Feira do libro 2019
- Reto literario
Material elaborado:
Páxina web: recurso web onde se pode atopar a presentación do proxecto, a idea da que parte, a súa finalidade e un pdf descargable da imaxe de cabeceira do Mapa Literario de Vigo. Na páxina recóllense:
- Bibliografía: na que se recollen os títulos incluídos no mapa, e recompila así mesmo as localizacións presentes en cada unha das obras e o fragmento no que aparecen citadas.
- Buscador: a través do que se permite a procura por título, autor, localización, editorial etc.
Material en papel:
- Mapa: no que aparecen todas as liñas despregadas, para que calquera persoa interesada o puidese levar consigo.
- Marketing offline: folletos, cartelería etc.
Público destinatario:
Beneficiarios directos: as persoas ás que vai dirixido específicamente o proxecto, é o público usuario da biblioteca. Un público xeral no que se inclúen todas as persoas sen distinción de ningún tipo.
Beneficiarios indirectos: cidadáns en xeral, centros de ensino, escritores e escritoras, ilustradores e ilustradoras, investigadores etc.
