II Xornada de Bibliotecas Públicas de Galicia 2019

25/09/2019

Bibliotecas inclusivas: accesibles a todas e a todos

A Consellería de Cultura e Turismo, a través da Dirección Xeral de Políticas Culturais, organiza a II Xornada de Bibliotecas Públicas de Galicia. Esta celebrarase o 21 de outubro no Auditorio 1 CINC – Centro de Innovación Cultural na Cidade da Cultura en Santiago de Compostela.

Co lema Bibliotecas inclusivas: accesibles a todas e a todos, a II Xornada pretende destacar o importante papel que deben desempeñar as bibliotecas como espazos accesibles e integradores das persoas con diversidade funcional.

Os eixes arredor dos que xirarán os relatorios serán:

Accesibilidade universal (física, cognitiva e sensorial): fomentar a autonomía das persoas nos espazos da biblioteca.
Fondos documentais accesibles: adaptados ás diversas necesidades lectoras e audiovisuais: lectura fácil, lingua de signos, letra grande, linguaxe pictográfica, audiolibros...
Servizos integradores: adaptar os servizos tradicionais e proporcionar servizos adaptados a colectivos con discapacidade.
Formación do persoal: a importancia de formar o persoal na atención á diversidade.

Logo da boa acollida da primeira edición da Xornada de Bibliotecas Públicas do ano 2018, neste 2019 búscase encamiñar este espazo de reflexión e encontro dos profesionais das bibliotecas galegas cara ás bibliotecas inclusivas. Estas demandan unha necesaria adaptación dos espazos, as coleccións, os servizos e os profesionais para dar resposta aos retos que presenta a sociedade actual.

Como novidade, esta edición acolle experiencias reais que exemplifican os contidos teóricos que se presentan neste encontro.

Para poder asistir a esta II Xornada, é preciso inscribirse previamente enchendo o seguinte formulario en liña:

https://docs.google.com/forms/d/e/1FAIpQLScgZ8nTxHHTyczinT0rGtTWA6c71PB-mfp9JORAoJUYUcSpAQ/viewform

Este permanecerá aberto desde o 02/10/2019 ás 9.30 h. ata o 16/10/2019 ás 23.59 h. As prazas ofertadas son 170 e cubriranse por orde de inscrición dando prioridade ao persoal bibliotecario das bibliotecas públicas da Rede de Bibliotecas de Galicia.

A Xornada pecharase coa entrega da segunda edición do Premio á Innovación Bibliotecaria de Galicia 2019, posto en marcha pola Xunta de Galicia no 2018.

Desenvolvemento da Xornada

9.30 – 10.00 h. Acto de apertura

10.00 – 10.45 h. O camiño á inclusión e á accesibilidade das persoas con discapacidad

Título: Bibliotecas inclusivas e accesibles. Por onde empezo?
Relatora: Susana Peix Cruz

10.45 – 11.30 h. Accesibilidade: fomentar a autonomía das persoas nos espazos da biblioteca

Título: Bibliotecas inclusivas: accesibilidade desapercibida
Relator: Enrique Rovira-Beleta Cuyás

11.30 – 12.00 h. Pausa café

12.00- 12:45 h. Fondos documentais accesibles

Título: Ler como somos. Inclusión e diferenza nas coleccións das bibliotecas
Relatora: Cristina Ameijeiras Sáiz

12.45 – 13.45 h. Experiencias

Biblioterapia, lecturas saudables: experiencia de colaboración entre bibliotecas públicas e o Servizo Galego de Saúde

Jesús Torres Junquera, director da Biblioteca Pública de Santiago Ánxel Casal

Uxía Gutiérrez Couto, coordinadora de BiblioSaúde e bibliotecaria do Complexo Hospitalario Universitario de Ferrol

Biblioteca José Hierro (Talavera de la Reina): exemplo de accesibilidade

Adoración Manzano del Mazo, directora da Biblioteca José Hierro

Biblioteca Pública do Estado en Santander-Biblioteca Central de Cantabria: experiencia de colaboración coa ONCE

Mercedes Muriente Fernández, responsable de Área de Servizos Xerais, Referencia e Investigación da Biblioteca Central de Cantabria

14.00 – 16.00 h. Pausa comida

16.00 – 16.45 Formación do persoal: formación para a atención á diversidade funcional

Título: Habilidades necesarias do persoal de atención ao público para tratar con persoas con diversidade funcional
Relatores: Moisés Lamigueiro Romeo e Mª Dolores Portela León, técnicos de FADEMGA Plena inclusión Galicia

16.45 – 17.15 h. Experiencias