A Rede de Bibliotecas Públicas de Galicia é un conxunto organizado de bibliotecas e servizos bibliotecarios públicos de Galicia para o desenvolvemento e a planificación da oferta bibliotecaria pública, segundo o establecido na Lei 5/2012, do 15 de xuño, de bibliotecas de Galicia.
A dirección e coordinación de Rede de Bibliotecas Públicas de Galicia é responsabilidade da Xunta de Galicia, a través do Servizo do Sistema de Bibliotecas de Galicia da Consellería de Cultura, Educación e Universidade.
Forman parte da Rede:
- As bibliotecas de titularidade estatal situadas dentro do territorio de Galicia
- Biblioteca Pública da Coruña Miguel González Garcés
- Biblioteca Pública de Lugo
- Biblioteca Pública de Ourense
- Biblioteca Pública de Pontevedra Antonio Odriozola
- Biblioteca Pública de Santiago Ánxel Casal
- As 335 bibliotecas de titularidade pública local dependentes de concellos ou entidades públicas locais
- As 13 bibliotecas públicas e de titularidade privada
O servizo do Sistema de Bibliotecas presta apoio ademais a aquelas bibliotecas que non están integradas na Rede pero si están dadas de alta no Rexistro de Bibliotecas de Galicia.
