Que bibliotecas poden inscribirse?
Poden inscribirse no Rexistro de Bibliotecas de Galicia todas aquelas que cumpran os requisitos establecidos no Decreto 41/2001, do 1 de febreiro, de refundición de normativa na materia de bibliotecas.
A inscrición no Rexistro non supón a integración na Rede de Bibliotecas de Galicia, aínda que é un requisito imprescindible para pertencer a ela.
Que hai que facer para inscribir unha biblioteca no Rexistro?
Para inscribir unha biblioteca no Rexistro, a persoa representante da entidade titular da biblioteca debe dirixir unha solicitude á consellería competente en materia de cultura acompañada de copia dos planos do local.
A solicitude presentarase obrigatoriamente por medios electrónicos a través da sede electrónica da Xunta de Galicia, no formulario normalizado do procedemento CT230A "Rexistro de bibliotecas de Galicia". Para a presentación poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e contrasinal Chave365.
A resolución da inscrición no Rexistro de bibliotecas correspóndelle á persoa titular da consellería competente na materia de cultura.
