Obradoiro con O Faiado de Nin
Obradoiro no que cada participante dará vida a unha personaxe de trapo, personalizándoa ao seu gusto.
Partindo de bonecos “en branco” cada nena e neno poderá poñerlle pelo (de lá ou tea de peluche), pintarlle a cariña e ata confeccionar a súa roupa con retallos de tea e feltro. Quen dixo que os bonecos son cousas só de nenas???
Na sala infantil. Dirixido a nenas e nenos de 6 a 12 anos. Hai 12 prazas dispoñibles.
As persoas interesadas poden recoller a invitación no mostrador de información da biblioteca desde 30 minutos antes do comezo da actividade.
Esta actividade forma parte do Plan Corresponsables, financiado polo Ministerio de Igualdad (Gobierno de España) e está dirixida a familias monoparentais, vítimas de violencia de xénero ou outras formas de violencia contra a muller, mulleres en situación de desemprego de longa duración, mulleres maiores de 45 anos ou calquera outra unidade familiar con necesidades en materia de coidados de nenas e nenos.
