Eu non quero

A sesión consta de dous contos nos que as súas protagonistas rebélanse ante o que a sociedade agarda delas:

• A rebelión das lavandeiras: Fartas de ser escravizadas polo dono da lavandería na que traballan, deciden rebelarse e fuxir. Así aprenderán a xogar, a rir, a decidir, a non deixar que as asusten e a percorrer o mundo en busca de liberdade.
• As princesas galiñas: Un príncipe chega a un castelo e descubre que as fillas do rei foron convertidas en galiñas por una bruxa que aínda anda entre elas tamén como pita. Cando se transforman de novo, o rei e príncipe decátanse de que xa non queren ser princesas que só pensan en poñerse guapas para buscar príncipes.

No salón de actos. Para nenas e nenos de 3 a 8 anos. A entrada é libre ata completar a capacidade da sala