A cargo de Bea Campos (Migallas Teatro)
A historia do coelliño branco é unha adaptación teatral do conto popular portugués dirixida a público infantil a partir de 1 ano. Cunha posta en escena coidada e delicada, que combina monicreques e narración oral, Bea Campos dá vida a esta entrañable historia chea de valentía, amizade e solidariedade.
Nesta posta en escena, os animais constrúense a partir de obxectos da vida cotiá: unha escoba convértese nun can, unha cunca nunha vaca, unha luva un galo… só fai falta deixar voar a imaxinación.
Nun día soleado, o coelliño branco sae da casa para ir á horta buscar coles coas que preparar un caldiño. Ao regresar, atópase coa porta pechada: unha cabra cabresa apoderouse do seu fogar e ameázao con saltarlle enriba da cabeza se non marcha. Comeza así unha fermosa viaxe escénica na que o coelliño emprende a procura de axuda para recuperar a súa casa.
A historia retoma un relato clásico no que o animal máis pequeno debe enfrontarse a un máis grande, mais introduce un xiro cheo de sensibilidade que destaca a importancia da valentía e do apoio mutuo, grazas á intervención dunha pequena formiga. Un espectáculo musical, visual e participativo que achega á cativada valores como a amizade e o coraxe, nun ton tenro, poético e divertido.
Para nenos/as a partir de 1 ano (Familiar)
Duración: 40 minutos
Hora: 12:00 h.
Salón de actos (ata completar capacidade)
