A Biblioteca Ánxel Casal acollerá o acto de entrega do IV Premio Simbad de Literatura Infantil
O vindeiro mércores 17 de setembro ás 11:00 horas, celebrarase no salón de actos da Biblioteca Pública de Santiago Ánxel Casal o Acto de Entrega do IV Premio Simbad, organizado por AGADEA Alzhéimer e coa colaboración da Xunta de Galicia.
O Premio Simbad recoñece cada ano a mellor obra de literatura infantil vinculada á memoria e ao alzhéimer. Durante o acto darase a coñecer a obra gañadora desta cuarta edición, que será presentada publicamente e da que se lerá un fragmento.
A xornada contará coa participación de representantes do ámbito cultural e institucional, así como cunha actuación musical, nun encontro pensado para lembrar, crear e compartir.
No salón de actos. Entrada libre ata completar a capacidade da sala.
Tamén che pode interesar
