Concerto do Grupo Argallo, da Asociación Cultural Xacarandaina
Concerto de música tradicional arredor das pandeireteiras e a literatura oral. Un espectáculo que nos achegará de xeito lúdico e participativo ao noso patrimonio inmaterial. Un percorrido musical por toda Galicia, amosando os diferentes xéneros e instrumentacións.
Argallo é un grupo de pandeireteiras composto neste momento por 11 mulleres de idades moi variadas, profesións de todo tipo e vidas moi diferentes. Desde o ano 1997 pasaron moitas persoas por este grupo pero todas tiñan o mesmo espírito: gozar cantando e tocando, e contaxiar esa enerxía e sentimento a quen as escoita.
Este ano 2025 a Real Academia Galega adica o Día das Letras Galegas ás cantareiras pola súa contribución ao uso, conservación e difusión da nosa lingua e da nosa cultura.
Duración: 50 minutos
Lugar: Salón de actos
Todos os públicos
Entrada libre ata completar a capacidade da sala
