Obradoiro con O Faiado de Nin
Obradoiro no que cada participante converterase nunha súper heroína ou nun súper heroe, decidirá cales son os seus poderes e escribirá unha historia na que poderá axudar a mellorar o mundo ou a súa contorna.
Usaremos o formato conto de cartolina xa montado, e as pequenas e pequenos participantes ilustrarán a súa historia, a portada, a contraportada...
Na sala infantil. Dirixido a nenas e nenos de 6 a 12 anos. Hai 12 prazas dispoñibles.
As persoas interesadas poden recoller a invitación no mostrador de información da biblioteca desde 30 minutos antes do comezo da actividade.
Esta actividade forma parte do Plan Corresponsables, financiado polo Ministerio de Igualdad (Gobierno de España) e está dirixida a familias monoparentais, vítimas de violencia de xénero ou outras formas de violencia contra a muller, mulleres en situación de desemprego de longa duración, mulleres maiores de 45 anos ou calquera outra unidade familiar con necesidades en materia de coidados de nenas e nenos.
Tamén che pode interesar
