A viaxe de Lup

Como todos os xoves deste mes de xullo teremos bebecontos para nenas e nenos de 1 a 3 anos, o de hoxe estará a cargo de Sole Felloza  "A viaxe de Lup" 

Lupodivico Fernando Gómez de Tipiminí é un lobo moito máis pequeno que o longo nome que lle puxo a súa nai, por iso todo o mundo chámalle Lup.

Un día Lup preparou a súa maleta e foise dar a volta ao mundo. Un xersei, unha bufanda, unhas medias quentiñas, un libro de contos, unha pucha, unha mantiña, a cámara de fotos e...unha chupeta! Un lote de cousas para recoller un montón de contos de Igualdade.

Anímaste a vir? 

A inscrición pódese facer dende o venres anterior á actividade chamando aos números de teléfono: 988 788 385 / 386