Convocados dous cursos dirixidos ao persoal bibliotecario da Rede
No Diario Oficial de Galicia do 18.02.2026 publicouse a convocatoria de actividades de formación da Escola Galega de Administración Pública para o 2026.
Entre a oferta formativa inclúese a segunda edición do curso Conservación en bibliotecas e centros de documentación, dirixido a irectores/as e persoal bibliotecario, técnico e auxiliar, de bibliotecas públicas e arquivos dependentes da Administración da Comunidade Autónoma de Galicia e das entidades locais galegas.
Impartirase en modalidade de telepresenza entre os días 14 de maio e 1 de xuño, cos obxectivos seguintes:
- Familiarizar o alumnado con temas cotiáns como a alteración ou os principais elementos de conservación preventiva, dando prioridade ás actividades relacionadas coa prevención da deterioración e a práctica diaria.
Obxectivos específicos:
- Entender a preservación como elemento de xestión bibliotecaria.
- Entender os procesos de deterioración dos materiais documentais.
- Os métodos de conservación
Tamén se convocou o curso Ferramentas de comunicación cultural, dirixido ao persoal de centros museísticos, arquivos e bibliotecas da Administración Xeral da Comunidade Autónoma de Galicia, das entidades públicas instrumentais e da administración institucional, co obxectivo de dotar de ferramentas de comunicación dixital ao persoal vencellado á xestión e á difusión museística e cultural.
Desenvolverase en formato presencial en Santiago de Compostela, entre os días 1 e 22 de xuño.
O prazo de presentación de solicitudes remata o 25 de febreiro de 2026.