No DOG do 23 de decembro de 2025 publicouse a convocatoria para 2026 das subvencións a entidades locais para a dinamización da lectura nas bibliotecas públicas e axencias de lectura de titularidade municipal integradas na Rede de Bibliotecas Públicas de Galicia (programa Ler conta moito).
Este programa ten como obxectivo xeral animar á lectura a través dunha programación de actividades atractivas, vinculadas aos intereses dos distintos colectivos, que faciliten o achegamento aos espazos bibliotecarios.
O prazo de presentación de solicitudes é do 12 de xaneiro ao 11 de febreiro de 2026, ambos incluídos.
A programación e a execución das actividades deberá levarse a cabo entre a data na que se publique o catálogo Ler conta moito 2026 (previsto en febreiro) e o 31 de outubro de 2026, ambos incluídos.