Mostra bibliográfica infantil
A nosa sala infantil acolle, ata finais de xullo, unha mostra bibliográfica dedicada a Concha López Narváez, unha das autoras máis salientables da literatura infantil e xuvenil española, que nos acaba de deixar.
Os seus libros acompañaron as lecturas de varias xeracións con historias cheas de imaxinación, humor, misterio e sensibilidade, capaces de espertar o gusto pola lectura e de abordar, con proximidade e profundidade, temas tan diversos como a amizade, a familia, as emocións ou as aventuras.
Con esta selección queremos render homenaxe a unha autora imprescindible e ofrecer a nenos, nenas e familias a oportunidade de descubrir —ou redescubrir— uns relatos que seguen mantendo intacta a súa capacidade para emocionar e facer soñar.
Pode visitarse do 23 de xuño ao 31 de xullo na sala infantil en horario de apertura da biblioteca.
Tamén che pode interesar
