Misterios para o verán: unha selección de cozy crime

Este verán, a Biblioteca Pública Ánxel Casal propón unha viaxe ao encantador mundo do cozy crime, un subxénero da novela policíaca onde o misterio se resolve sen violencia explícita e cun toque de humor, enxeño e vida cotiá.

Ambientadas en pequenos pobos, librerías, salóns de té ou comunidades aparentemente tranquilas, estas historias invitan a que nos convirtamos en detectives ao longo dunhas páxinas. Unha selección perfecta para desfrutar da lectura entre intrigas lixeiras e personaxes entrañables.

Pode visitarse no 2º andar do 1 de xullo ao 31 de agosto de 8.30 a 14.30h e do 1 ao 11 de setembro de 8.30 a 21.00h. O sábado 12 de setembro estará de 10.00 a 14.00h.