A Biblioteca Ánxel Casal acollerá o acto de entrega do IV Premio Simbad de Literatura Infantil
O vindeiro mércores 17 de setembro ás 11:00 horas, celebrarase no salón de actos da Biblioteca Pública de Santiago Ánxel Casal o Acto de Entrega do IV Premio Simbad, organizado por AGADEA Alzhéimer e coa colaboración da Xunta de Galicia.
Crea un libro con nós no que te imaxines cal sería a túa biblioteca ideal. Que actividades tería? Sería unha biblioteca espacial? Ou unha biblioteca ó aire libre? Ou unha biblioteca feita de papel?
Data e hora: venres 3 de outubro ás 18.00 h
Público destinatario: infantil, de 5 a 9 anos
Inscrición previa na web da biblioteca a partir do mércores 24 de setembro
A intelixencia artificial, ou IA, é como ensinar ás máquinas a “pensar un pouquiño” para axudarnos en diferentes tarefas. Non se trata de maxia nin de robots de película: a IA xa está no noso día a día, cando o móbil recoñece unha cara nunha foto, cando o GPS busca a ruta máis rápida ou cando unha aplicación nos recomenda unha canción.
Un espectáculo de circo para toda a familia terrorificamente divertido: unha terapia de choque para partirse de risa e desfacerse dos medos. O entrañable Rogelio volve nesta segunda entrega para presentar unha delirante proposta chea de sustos e bo humor. Clown, malabares, escapismo, rulo, acordeón, serrucho... todo preparado para levar a cabo o Abracadaver. Quen dixo medo?
Abracadabra! Convidamos a todos os nenos e nenas a descubrir o mundo da maxia. A través de xogos, trucos sorprendentes e moita imaxinación, aprenderán os segredos dos grandes meigos. Prepárense para rir, asombrarse e, sobre todo, converterse en auténticos aprendices de maxia!
¡A maxia chega á biblioteca!
Prepárate para un show cheo de trucos, risas e sorpresas que deixarán á cativada coa boca aberta.
Data e hora: sábado 13 de setembro ás 12.00 h
Público destinatario: infantil, a partir de 4 anos
Sen inscrición previa, ata completar a capacidade da sala
