O Servizo do Sistema de Bibliotecas é a unidade da Consellería de Cultura, Educación e Universidade, dependente da Subdirección Xeral de Bibliotecas e do Libro, que ten como misión dar apoio ás bibliotecas públicas de Galicia, sistematizar a información relativa ás mesmas e xestionar todos aqueles programas que contribúen a fomentar a lectura e mellorar os servizos e as coleccións que ofrecen as bibliotecas públicas galegas á cidadanía.

No seu día a día, este Servizo xestiona a plataforma do libro electrónico GaliciaLe, o programa de actividades Ler Conta Moito e o de mellora das coleccións, o préstamo de libros aos clubs de lectura, as accións formativas dirixidas aos profesionais da Rede de Bibliotecas Públicas de Galicia, as bolsas de formación, os instrumentos de análise e avaliación destas bibliotecas (estatísticas, censo de bibliotecas e Mapa de bibliotecas públicas de Galicia), o rexistro e integración dos centros na Rede.

24/03/2023

Premio María Moliner 2023

Convocatoria do concurso de proxectos de animación á lectura

21/03/2023

Ler conta moito

Publicación do catálogo Ler conta moito 2023 e apertura do prazo para a programación de actividades

16/03/2023

Xornada técnica na Biblioteca de Galicia

Un bosque cheo de libros. A literatura infantil e xuvenil en galego na actualidade

13/03/2023

V Premio REBIUN dirixido a bibliotecas non universitarias

Aberto o prazo de presentación de proxectos

Galiciana

Acceso a Galiciana, biblioteca dixital de Galicia

Rexistro da Propiedade Intelectual

Acceso á páxina do Rexistro da Propiedade Intelectual de Galicia

LOCALIZA A BIBLIOTECA